Pulezidenti Yoweri Kaguta Museveni omuduumizi w’eggye lya UPDF owokuntikko wiiki eno asazeewo kukuba nkambi mu Karamoja Region okutunuulira embeera yebyokwerinda naddala obubbi bw’ente.
Pulezidenti Museveni agamba nti abatamanyangamba bano bazze bakyuusa enkola mwebayita okulumba okubba ente omuli okukozesa emmundu, obusaale, emiggo wamu n’okufuna bebakolagana nabo. Agamba nti bano tebakomye kukubba nte zokka wabula batta abantu, basobya ku bakazi n’abaana wamu n’okutaataganya emirembe mu Karamoja.
Olunaku lw’eggulo Pulezidenti Museveni olunaku lw’eggulo yasisinkanye abebitongole byebyo kwerinda okuli aba; UPDF, Police, RDCs, aba ISO n’aba Uganda Wildlife Authority ku mbeera yebyokwerinda mu Karamoja nga kituuse ne mu bitundu ebirala okuli; Teso, Bugisu, Sebei nekumuliraano e Kenya, bino byonna byabadde mu State Lodge e Kapchorwa.