Poliisi yakola bubi okumenya endabirwamu y’emotoka ya Bobi Wine – HE. Museveni

Pulezidenti Yoweri Kaguta Museveni avuddeyo n’ekiwandiiko ku kukuba enkungaana, nga agamba nti awakanya abantu abavaayo nebagamba nti Yuganda etandise okugwa ng’abalowooza ekyo bandiba nga sibamazima nga tebamanyi nabigenda mu maaso mu Ggwanga.
Pulezidenti agamba nti alina obujulizi obusobola okwoleka obulungi nga kino bwekitali kituufu. Bwatyo avuddeyo nalabula Bannabyabufuzi wamu ne Bannayuganda abagufudde omugano nga ogw’enswa okwenyigira mu kwekalakaasa wamu n’enseregende ezitali mu mateeka nti bali mu matigga nga basanye balye kamanye nga akoza n’owebbwa.
Agamba nti bano basalawo kwekalakaasiza mu butale, mu ttawuni ezirimu abantu abangi ekireetawo okubuusabuusa oba nga ebigendererwa byabwe ddala bituufu. Pulezidenti ategeezezza nti omuntu yenna okukirizibwa okwekalakaasa alina okubeera n’ensonga eyessimba lwaki akikola era nga afunye n’olukusa.
Pulezidenti era avuddeyo nawakanya enkola Poliisi zeyakozesa okukwata Omubaka wa Kyaddondo East Robert Kyagulanyi Ssentamu aka Bobi Wine ku Easter Monday bweyamenya endabirwamu y’emotoka mweyali okumusikambulamu. Wano Pulezidenti waweeredde Poliisi amagezi nti baali basobola okukozesa kasiringi okusika emotoka eno nga mwali okugitwala wonna webaali baagala okusinga okwasa endabirwamu.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

Top Reviews

More Stories
maama mabira beatrice anywar ayingidde nrm