Omumyuuka w’omwogezi owa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga Poliisi bweyakoze ekikwekweto nekwata abadigize 36 okuva mu bbaala ya Levels Lounge esangibwa e Kamwokya . Bano kuliko abakazi 14 n’abasajja 22.
Bakuumirwa ku Poliisi ya Kira Road nga bavunaanibwa okukola ekikolwa ekiyinza okuviirako okusaasana kw’ekirwadde ekikambwe. Bagenda kutwalibwa mu kkooti okusalirwa engasi gyebalina okusasula wabula nga mukadde kano bakyalindirira olukalala lw’ensimbi zebalina okusasula okuva mu Minisitule y’Ebyensimbi.