Ssaabawandiisi w’ekibiina kya National Unity Platform David Lewis Rubongoya avuddeyo ku nsisinkano gyebabaddemu ne Uganda Police Force ku nsonga y’ettendekero lya National Unity Platform School of Leadership; “Mu lukiiko lwetwabaddemu ne Poliisi ku nsonga za National Unity Platform School of Leadership, batubuuzizza lwaki twatandikawo essomoro? Tulina abayizi bameka? Bafuna batya ebifo? Tuluubirira bantu ki? Baani abatuteekamu ssente? Basomera bbanga ki? N’ekikulu mu byonna, kiki kyetusomesa.
Batutegeezezza nti okutuyita kyavudde ku mawulire gebafunye nti essomero lino litendeka abantu okukozesa obuvuyo n’obukodyo obulala obuyamba okusuula Gavumenti nga tusinziira ku byakolebwa oba ebikolebwa mu Mawanga amalala! Twakittaanyizza nti lino ttabi lya kibiina kyetutendekera Abakulembeze ab’enjawulo ku nsonga ezikwatagana n’obukulembeze.
Batutegeezezza nti bakugenda mu maaso n’okulondoola emirimu gy’essomero lino era nga kino tetukirinaako buzibu bwonna kuba tukolera mu mateeka.
Twawakanyizza ne ssekuwakanya ekiragiro kyokuwaayo ebigenda okusomesebwa wamu nababa bagenda okubisomesa buli wiiki eri DPC wa Kira Road! Twakomekerezza nga tubategeeza nti katusuubire nti kano sikakodyo kebaliko okwagala okuggalawo essomero.”