Poliisi nga eri wamu n’ekitongole ekivunaanyizibwa ku kibuga Kampala ekya Kampala Capital City Authority, ne Minisitule evunaanyizibwa ku kikula ky’abantu abakozi n’embeera z’abantu balangiridde nga bwebagenda okufuuza ebifo byonna mu Kampala ebirina ebifo abantu mwebagenda okweyoteza ebimanyiddwa nga Sauna ne Steam okulaba nga embeera gyebirimu etuukana n’omutindo gwebyobulamu n’omukuumi era nga birina ne Certificate.
Omwogezi wa Poliisi Fred Enanga yavuddeyo nategeeza nti kino kigenda kukolebwa oluvannyuma lwa Sauna e Naalya okubwatuka oluvannyuma lw’ebbugumu okusukka nerumya abantu abawerako.