Uganda Police Force evuddeyo neteggeza nga bwezudde emirambo ebiri mu mwala gwa Nakivubo ku Clock Tower okuliraana essundiro lya Total oluvannyuma lw’enkuba etonnye olwaleero.
Emirambo gino gireeteddwa amazzi okuva mu bitundu eby’enjawulo nga kuliko omwana omuwala wamyaka 12 nga ategeerekese nti ye Namazzi Alyera, omutuuze w’e Nsambya Kitooro, Makindye Division. Kigambibwa nti Namazzi abadde azannya ne mikwano gye mu nkuba, omupiira gwabwe neguggwa mu mwala bwagezezaako okuggyayo amazzi negumutwala okutuuka ku Clock Tower owa Booda booda wagulabidde nategeeza Poliisi.
Omulambo omulala gwa musajja mukulu atanategeerekeka.