Omuduumizi wa Uganda Police ForceIGP Matins Okoth Ochola avuddeyo nategeeza nti wadde nga babadde balabudde Bannabyabufuzi okukomya okumenya ebiragiro ebyateekebwawo akakiiko k’ebyokulonda nti babadde bagenda mu maaso n’okutegeka enkungaana ezimenya amateeka wamu n’okubeera n’oluseregedde lw’emotoka n’abantu abangi mu makubo gyebayita.
Ochola agamba nti bafunye amawulire nti bano baagala kukyakalanya nteekateeka zakulonda era nti kakubajuutuka abanamenya amateeka.
IGP Ochola agamba nti Poliisi evuddeyo n’enkola enkambwe okusobola okukuuma ekitiibwa ky’okulonga era nga asindise basajja be abakugu okunoonya abakulira enteekateeka zonna n’ababakulembera bakwatibwe bavunaanibwe.
IGP agamba nti balagidde abakulira Poliisi mu bitundu eby’enjawulo okussa ebiragiro mu nkola awatali kutya yadde okuttira omuntu yenna ku liiso.
Leave a Reply
You must be logged in to post a comment.