Ebitongole byebyokwerinda bivuddeyo nebiwera okutunda wamu n’okutembeeya ebissi omuli; enkumbi, ejjambiya, obwambe n’ebintu ebirala ebisongovu ku nguudo. Poliisi era eragidde abaduumira Poliisi mu bitundu eby’enjawulo okuwamba ebintu bino ebitundibwa ku nguudo kuba byongedde obumenyi bw’amateeka n’okuteeka obulamu bw’abantu mu katyabaga.
Omwogezi wa Uganda Police Force CP Fred Enanga agamba nti okukwasisa amateeka mu basuubuzi mulimu gwa Kampala Capital City Authority – KCCA nti era bagenda kukwatagana ne KCCA okulaba nti batondawo embeera eyeyagaza ku nguudo.