Omumyuuka w’omwogezi wa Kampala Metropolitan Police ASP Luke Owoyesigyire avuddeyo nategeeza nga Poliisi etwala ettunduttundu ly’e Katwe ne Kabalagala bwetandise okunoonyereza ku kigambibwa okubeera ettemu omwafiiridde Tumwesigye Joram 28, nga mutuuze w’e Makindye mu Kampala.
Luke era ategeezezza nti batandise okunoonyereza ku musango gw’obubbi wamu n’okulumya omuntu nga bino byabaddewo mu kiro kya 19-November abantu 3 bwebakubiddwa abantu okwabadde n’omuyimbi AlienskinUg nga bano kuliko; Dr. Matovu Zaidi, Muyanda Anthony ne Odongo Alex nga bano bakuumi ku ddwaliro e Nsambya.
Kigambibwa nti Tumwesigye yaleeteddwa abantu 6 abatanetegeerekeka nti wabula naafa oluvannyuma lw’essaawa 1.
Oluvannyuma lwa Tumwesigye okufa omuntu omu eyategeerekese nti ye Alien Skin yazze ngayagala empapula kwebajanjabidde omulwadde nti era bwebatazimuwadde nti ekibinja kye kyakubye omusawo wamu n’abakuumi oluvannyuma nebadduka.
Poliisi egamba nti yafunye sitaatimenti ku bantu ababaddewo nabo abalumiziddwa era nti etandise okunoonya abakoze ekikolwa kino bavunaanibwe.