Omumyuuka w’omwogezi wa Kampala Metropolitan Police ASP Luke Owoyesigyire avuddeyo nategeeza nti okunoonyereza ku bikolwa ebyakwatiddwa ku katambi okuva ku kkamera enkettabikolwa kwatandise dda nti era omwami eyalabikiddemu ngakubwa ye Mugisha Tomson, 40, omutuuze w’e Kyebando nga yali akubwa abantu abatanategeerekeka.
Bino byali ku Ben Kiwanuka Street ku ssaawa nga bbiri ez’ekiro, nga 22-May-2024. Poliisi egamba nti Mugisha bamubbako emitwalo 45, ensawo eyalimu ebiwandiiko bye, ebisumuluzo wamu ne container.
Poliisi egamba abantu 2 bategeerekese era nga bagiyambako mukunoonyereza kweriko okusobola okuzuula abo abenyigira mu kikolwa kino bavunaanibwe.
Poliisi ekubirizza abantu okubeera obulindaala buli kaseera wamu n’okukuba enduulu oba okutegeeza Poliisi singa wabaawo obuzibu bwonna.