Poliisi etandise okuyigga aba Capital Chicken
Uganda Police Force eya Kira Road evuddeyo netegeeza nga bwetandise okunoonyereza ku bugambibwa okuba obufere obwakolebwa Kkampuni ya CAPITAL CHICKEN.
Kigambibwa nti wakati wa 2021 ne 2023, CAPITAL CHICKEN yaggulawo offiisi ku Kanjokya Street mu Kampala Central Division, abantu gyebatwala nga ssente okuzisiga mu bizineesi nga babasuubizza amagoba. Mu ntandikwa bizineesi yalabikanga etambula obulungi wabula oluvannyuma abagiddukanya batandika okwebuzaabuza.
Kigambibwa nti batandika okusaba abantu okukomawo oluvannyuma nti era embeera atabuka nga 29, September abantu bwebatuuka ku offiisi nga zagaddwa. Poliisi bweyatandise okunoonyereza abantu 41 nebavaayo nebakola sitaatimenti nga kigambibwa nti ssente 1,641,376,000/= zeziyinza okuba nga zabiddwa ku bantu bano. Abanoonyezebwa abakategeerekeka kuliko; Wamanga Pius ne Sempebwa Ernest n’abalala abakyanoonyezebwa.
