Poliisi etandise okunoonyereza ku biwandiiko bya Bannabyabufuzi
POLIISI ETANDISE OKUNOONYEREZA KU BIWANDIIKO:
Omwogezi w’ekitongole kya Uganda Police Force ekikola kukunoonyereza ekya CID Charles Twine avuddeyo nategeeza nga Poliisi bwetandise okunoonyereza kubigambibwa nti waliwo Bannabyabufuzi abakozesa ebiwandiiko ebijingirire okwesimbawo.
Twine agamba nti batandise okunoonyereza ku mpapula za Bannabyabufuzi abawerako okusobola okuzuula ekituufu naddala kukujingirira wamu n’okukyuusakyuusa ebiwandiiko nti era anazuulibwa nga yabijingirira wakuvunaanibwa.
Twine agamba nti okunoonyereza kuyita mu mitendera era kutwala ebbanga nayongerako nti okunoonyereza kuno tekutegeeza nti bajja kugibwa mu offiisi nga Kkooti zokka zezirina okukikola.
