Omwogezi w’ekitongole kya Uganda Police Force ekivunaanyizibwa ku bidduka SP kananura Michael, avuddeyo nategeeza nga bwebagenda okukola ekikwekweto wiiki eno yonna ku bavuzi b’ebidduka okuli emotoka ne piki piki abatalina ppamiti, abalina naye nga kkiraasi gyalina siya kidduka ekyo wamu nabo abalina ezaggwako. Ono ayongerako nti akawayiro 35 aka Traffic and Road Safety, amendment Act 2020, kagamba nti teri muntu yenna akirizibwa kuvuga kidduka ngatalina ppamiti oba kkiraasi emukiriza kuvuga kidduka ekyo okuggyako ngalina layisinsi y’abayiga. Ekibonerezo kyoyo akwatibwa ngamenye etteeka lino awa engasi ya currency points ezitasukka 300 gyemitwalo 60 oba okusibwa ebbanga eritasukka myezi 6 oba byombi. Kananura ategeezezza nti abo abanakwatibwa bakuweebwa ebipapula ebyokusasulirawo era nabo aba booda booda abanasangibwa nga tebalina ppamiti, reflective jackets ne helmet nabo bakukwatibwa.
Leave a Reply
You must be logged in to post a comment.