Omwogezi wa Uganda Police Force SCP Fred Enanga avuddeyo nategeeza nga obukulembeze bwa Poliisi bwebuvumirira ne ssekuvumirira akalango ka ‘JESA JUS’ akakoleddwa nekateekebwamu omusirikale w’ebidduka by’okunguudo nga kalaga nti yabadde akola emirimu gye egyabulijjo ku luguudo nayimiriza emotoka okugyekebejja.
Ddereeva w’emotoka n’abaana beyabadde atisse yabasabye ku kyokunywa kya ‘JESA JUS’ era nabaleka bagende ebyokwekebejja emotoka nabivaako. Poliisi egamba nti akalango kano kayolese omusirikale wa Traffic ngomuli w’enguzi kungwa era omwangu okuliisa enguzi.
Ddereeva alabibwa mu kalango kano ngaliisa owa Traffic enguzi mu maaso g’abaana nga kino bonna n’omusirikale wa Poliisi kibooleka ng’abamenyi b’amateeka.
Kati Poliisi eyagala Jesa eggyeyo akalango kano, era esimuulemu ekitundu ky’omusirikale wa Traffic era ekayimirize okuzannyibwa ku mukutu ggwonna. Bwetakikole bakubatwala mu mbuga z’amateeka. Enanga akubirizza abo bonna abaagala okukola obulango nga mulimu ekifaananyi kya Poliisi okusaba olukusa nga tebanakafulumya.
Leave a Reply
You must be logged in to post a comment.