Poliisi etaasizza omwana eyabadde awambiddwa

Poliisi etaasizza omwana ow’emyaka ebiri n’ekitundu eyabadde awambiddwa okuva e Bushenyi. Omusango gw’okuwamba omwana gwawabibwa ku Poliisi y’e Kizinda nga 11/02/2019 ku ssaawa nga mwenda ez’olweggulo.

Atuhaire Claire 33 nga mutuuze w’e Ishaka mu Ishaka – Bushenyi Munisipalite nga ono ye maama w’omwana Mukiza Isaac eyawambibwa mu katale k’e Kizinda. Abawamba omwana batandika okusaba ssente obukadde 5 era nga Maama w’omwana y’abadde yakabaweerezaako emitwalo 358 bwetyo Poliisi nekozesa akakisa kano okutandika okubanoonya era abawambi nebakwatibwa nga bekwese mu Kyarusowe Guest House mu Nnyendo e Masaka n’omwana.

Omu kubawambi kuliko Frank Tumwebaze wamu n’omulala atanategerekeka linnya.