Poliisi olunaku lw’eggulo yakutte ababbi babiri ate omulala nemuttirawo oluvannyuma lw’okuwanyisiganya amasasi. Bano bakwatiddwa oluvannyuma lw’okubba omukyala eyategeerekeseeko erya Nakusoke Najjemba 60 ow’e Kitende Kajjansi Division. Abasirikale ba Patrol batemezeddwako nti ababbi babadde batambulira mu motoka nnamba UAW 694L era nebatandika omuyiggo gwayo.
Patrol bweyagirabye netandika okugigoba era nebagisisinkana e Kabalagala nebatandika okuwanyisiganya amasasi okukakana nga omu bamukubye nafa. Abakwatiddwa kuliko Kalule Frank ne Mbayitayizibwe John ate eyatiddwa yategereekeseeko erya Mohammed. Bano bakuumirwa ku Poliisi y’e Kabalagala nga okunoonyereza bwekugenda mu maaso.