Uganda Police Force enkya yaleero etutte ekiwayi kya Bannakibiina kya Democratic Party Uganda nga tebalinnya oluvannyuma lwokulinnya eggere mu nteekateeka zebabadde bakoze ezokwezza ekitebe ky’ekibibiina nga bawakanya obukulembeze bwa Minisita avunaanyizibwa ku nsonga za Ssemateeka n’essiga eddamuzi Norbert Mao.
Bano nga babadde bakulembeddwamu Omubaka Dr. Lulume Micheal Bayiga ne Lubega Mukaaku Samule Walter Poliisi ebalemesezza okuyingira ekitebe kya DP ekisangibwa ku Balintuma mu Kampala. Bano baweerekerezza Poliisi ebisongovu nga bagamba eyinza etya okubagaana okuyingira ewaabwe era nebesoma nti ketonnye kagwake balina okwediza ekitebe kino.