Poliisi ereese Patrol z’ebigere mu Kampala n’emiriraano
Omumyuka w’omuduumizi wa Poliisi Brigadier Sabiti Muzeeyi ekiro ekikeeseza olwaleero ayogeddeko eri abasirikale ba Poliisi abagenda okulawuna ku bigere ebitundu bya Kampala n’emiriraano.
Ono yasabye abasirikale ba Poliisi okukolera awamu n’abantu babulijjo okusobola okukolawo enjawulo mu by’okwerinda.
Ayongedde nagamba nti; ndi musanyufu, kino kyetulina okukola okusobola okumalawo obumenyi bw’amateeka mu bitundu eby’enjawulo. Bano abasabye okutereeza ebifo ebibeeramu abantu abangi okusobola okugumya abantu babulijjo nga bakola emirimu gyaabwe.
