Olunaku lw’eggulo ekitongole kya Poliisi ekya Uganda Police Force Air wing kyayolesezza obukugu bwekirina mu kuyamba wamu n’okulwanyisa obumenyi bw’amateeka nga kiyita mu bbanga eri omumyuka w’omuduumizi wa Poliisi Maj. Gen. Sabiiti Muzei ku kisaawe ky’e Kajjansi.
Bano balaze obusobozi bwebalina mu kulwanyisa omuliro mu bifo ebigazi wamu ne ku bizimbe ebiwanvu ennyo nga bakozesa Helicopter, okutuusa obuyambi eri abantu abali mu bitundu emotoka gyezitasobola kutuuka, wamu nokutuusa obuyambi obw’obujanjabi eri abo ababa balumiziddwa.
Bano era bayolesezza obukodyo mukugoba abamenyi b’amateeka abeyambisa emotoka nga Poliisi ekozesa Helicopter. Maj. Gen. Sabiiti Muzeeyi yategeezezza nti ekitongole kino kigenda kufuna Helicopter endala ekika kya fix wing air craft P 180 Evo. Ekitongole kino kirina abagoba b’ennyonyi 13.
poliisi eraze obukodyo mu kweyambisa ennyonyi
