Ekitongole kya Crime Intelligence nga kikolera wamu Uganda Police Force e Buikwe ekutte Kalanzi Resto ow’emyaka 25 omutuuze ku kyalo Nnamengo mu Lugazi Municipality eyalabikidde mu katambi akaasasanidde omutimbagano gwa TikTok nga yewaana nga bwali omuyeekera wa ADF era nga y’omu ku batirimbudde abaana b’essomero lya Lhubiriha Secondary School e Kasese.
Okusinziira ku Poliisi ono mutunzi wa dduuka so si muvuzi wa booda booda nga bw’abadde agamba era essaawa eno akuumirwa mu kadduukulu ka Poliisi enkulu e Lugazi nga bwalindirira okutwalibwa mu Kkooti.