Poliisi ekutte omuvubuka abadde abba piki piki
Uganda Police Force e Nabbingo ekutte omuvubuka Bujunju Henry, nga agambibwa okuba nga abadde yenyigira mu bubbi bwa Piki piki nga emukwasizza ye ya Stephen Ssembalirwa.
Kigambibwa nti Bujunju nga mutuuze mu Nansana Municipality olunaku lw’eggulo yabbye piki piki okuva e Nabbingo, era mu bunambiro Ssembalirwa yatemezza ku Poliisi nayo eyatandise omuyiggo nga ekozesa kkamera enkettabikolwa bwetyo nezuula nga Bujunju piki piki yabadde agitadde mu galagi emu e Kawaala.
Bujunju bwasoyeddwa kajogijogi w’ebibuuzo ategeezezza nti ddala kituufu abadde abba piki piki nazitunda e Masaka mu Nyendo.
Ono akuumirwa ku Poliisi y’e Nabbingo nga bwenoonya ababadde bagula piki piki zino enzibe.
