poliisi ekutte omukazi abadde abba emotoka

Poliisi y’e Kampalamukadde eyigga omukazi agambibwa okupangisa mmotoka okuva ku bannyinizo mu Kampala n’azitunda nga tebategedde.

Nadia Namakula omutuuze w’e Namugongo – Kyaliwajjala yanoonyezebwa Poliisi nga kigambibwa nti abaddenga apangisa mmotoka okuva ku bannannyinizo n’akozesa olukujjukujju n’azitunda nga tebamannyi.

Poliisi okutandika omuyigo guno kyaddiridde Namakula okuguza Christopher Kizza owa kkampuni ya CK Investment etunda mmotoka mu Kabakanjagala mmotoka ekika kya Spacio nnamba UBD 812S kyokka oluvannyuma ne kizuuka nti yabadde yapangisa mpangise n’agisingira Dimson Tadwa ku bukadde 5.

Omwogezi wa Poliisi mu Kampala n’emiriraano Patrick Onyango bwe yatuukiriddwa yagambye nti batandise okunoonyereza ku Namakula era yaguddwaako omusango gw’okufuna ensimbi mu lukujjukujju oguli ku fayiro nnamba SD:53/31/01/2019.