Poliisi enkya ya leero ku ssaawa nga kumineemu ez’okumakya yakoze ekikwekweto mu zzooni y’e Kinoonya ku kyalo Masanafu mu Divizoni y’e Lubaga mu Kampala oluvannyuma lw’okutemezebwako mwesoboledde okuzuulira emmundu.
Wabaddewo okuwanyisiganya amasasi, era omu ku basirikale ba Poliisi nalumizibwa. Omubbi omu abadde n’emmundu akwatiddwa nga ategeerekeseeko erya Mulunda Stanely.
Wabula ye munne yadduse nga ye Kasirye Richard, nga bano bombi babadde bapangisa ennyumba omusangiddwa emmundu 2, magaziini 2 nga mulimu amasasi 32, nnamba y’emotoka UAM 046J, ennyondo wamu n’ebiwandiiko ebyefaananyiriza ebya Kkooti.
Leave a Reply
You must be logged in to post a comment.