Poliisi ekutte omubaka wa Kassanda South ku byokuttibwa kw’omuyizi e Makerere

Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga Poliisi bwebakanye n’eddimu eryokunoonyereza ku ngeri Batungura Bewotti 27, omuyizi asoma amateeka ku Uganda Christian University Kampala Campus nga mutuuze w’e Kikoni Zone B, Makerere 3 Parish Kawempe Division mu Kampala gyeyatiddwamu.

Luke agamba nti olunaku lw’eggulo nga 14/7/22 ku ssaawa emu ey’ekiro mu lukuŋŋaana lwokunoonya akalulu ka Guild President mu Makerere University kigambibwa nti wabaluseewo olutalo wakati w’abawagizi b’ebibiina ebyenjawulo 2 ekyaviiridde abayizi okufumita Batungura nga kigambibwa nti bano babadde bakulembeddwa Hon. Kabuye Frank n’abalala.

Poliisi yakutte Hon. Kabuye Frank Kibirige Omubaka akiikirira Kassanda South Munnakibiina kya National Unity Platform, Ssekidde Allan ne Kabuurwa Muzafaru bagiyambeko mukunoonyereza. Yunivasite okulonda okubadde okwaleero ekuyimirizza.