Omwogezi wa Uganda Police Force mu Ggwanga, Fred Enanga atenderezza Poliisi erwanyisa obubbi olw’okukwata omubbi kkondo, Kuddu Ashiraf eyali yeyita Mr. X aludde ebbanga nga anoonyezebwa.
Ono abadde anoonyezebwa oluvannyuma lw’okukuba Najjuko Prossy amasasi ng’ono yali akola bizinensi ya kukyusa ssente mu katale ka Arubaine e Busia.
Mu ngeri yeemu Enanga ategeezezza nti Poliisi mu Disitulikiti y’e Otuke yasobola okununula emmundu 2 ku babbi mu bimu ku bikwekweto ebibiri byeyakola nga muno n’ababbi babiri battibwa wakati mu kuwanyisiganya amasasi. Okwogera bino, Enanga asinzidde ku kitebe kya Poliisi e Naggulu mu lukung’aana lwa Bannamawulire.