Omwogezi wa Uganda Police Force mu ttunduttundu ly’e Kigezi Elly Maate avuddeyo nategeeza nga Ddereeva w’emotoka agafemulago nnamba UG 3797M eya Kebisoni Health Center IV mu Disitulikiti y’e Rukungiri bwakwatiddwa oluvannyuma lw’emotoka eno okukubwa ekifaananyi ng’etikkula ennaanansi.
Matayo Barekye, 50 nga mutuuze w’e Nyakabare cell, Kebisoni Town Council mu Disitulikiti y’e Rukungiri yeyakwatiddwa Poliisi.
Emotoka eno agafemulago yakubwa ekifaananyi nga 27 – January – 2022 ng’etikkula ennaanansi mu Nyamunuka Trading Center mu Disitulikiti y’e Ntungamo.