Omwogezi wa Uganda Police Force owa Kampala Metropolitan Police Patrick Onyango avuddeyo nategeeza nga bwebakutte ddereeva w’emotoka nnamba UAZ 515C eyalabikira mu katambi nga agezaako okutomera omusirikale wa Poliisi y’ebidduka Katongole Josam ku luguudo lwa Kampala Road. Ddereeva ono ategeerekese nti ye Mukwaya Isaac era bweyakwatiddwa yagezezzaako okulimba abasirikale nti mulwadde ngatadde kkanula ku mukono.
Mukwaya akuumirwa ku CPS mu Kampala, era nga aguddwako emisango 3 okuli; okuyita mu bitaala, okuvugisa ekimama wamu n’okugezaako okutta omuntu.
Leave a Reply
You must be logged in to post a comment.