poliisi ekutte bannakenya babiri lwakunyakula kasawo

Abasajja babiri nga Bannansi ba Kenya bakwatiddwa mu Kampala oluvannyuma lw’okusika ku mukazi ensawo ye ey’omu ngalo. Abaakwatiddwa kuliko; Chrispin Kanyuira Macharia, nga mutuuze w’e Nyandarua North, wamu ne Peter Kamau Wanja, abeera e Nyari Central.
Bano baakwatiddwa abantu wabula Poliisi yayanguye okubataasa ku bantu abaabadde besomye okubamiza omukka omusu.
Oluvannyuma batwaliddwa ku Poliisi ya CPS enkulu mu Kampala nga ne gye buli kati gye bakyakuumirwa nga okunoonyereza bwe kugenda mu maaso.
Okusinziira ku Poliisi, ensangi zino abantu beegumbulidde omuze gw’okunyakula ensawo z’abakazi wakati mu kibuga era ng’ababbi ab’ekika kino, baliko abavuzi ba bodaboda be bakolagana nabo.