Omwogezi wa Kampala Metropolitan Police Patrick Onyango avuddeyo nategeeza nga Poliisi y’e Wandegeya bweyakoze ekikwekweto ku bigobero e Mulago ku Mulago Mortuary washing bay, Busia zone, Wandegeya Parish Kawempe Division. Kino kyadiridde akatambi akabadde katambuzibwa ku mutimbagano nga abantu 3 bakama amafuta okuva mu motoka ekika kya Double Cabin.
Poliisi yakutte Mutebi Peter 30 ngono mutuuze ka Quarter Zone, Kyebando Parish Kawempe. Poliisi ekyayigga; Asiku, Lubwama, Mawanda John, Emma ne Kalema. Okunoonyereza kulaga nti emotoka ezisoba mu 20 zezikamwa buli lunaku ngamafuta gano bagaguza abavuzi ba booda booda ku 5000/= buli liita 2 ate ggo amafuta ga Diesel bagatunda Bwaise.
Bya Kamali James