Poliisi e Mbarara ekutte abayizi 7 aba Mbarara University of Science and Technology-MUST lwakwekalakaasa nga tebafunye lukusa mu ttawuni y’e Mbarara.
Abayizi bakwatiddwa Poliisi ku luguudo lwa Galt nga babadde boolekera offiisa y’omubaka wa Pulezidenti mu kitundi kino nga bakutte ebiwandiiko ebisaba wabeewo ekikolebwa mu bwangu okumalawo obutakaanya wakati w’abakozi ne vice Chancellor, Prof. Celestine Obua.
Omwogezi wa Poliisi mu tundutundu ly’e Rwizi Samson Kasasira agamba nti Poliisi okukwata abayizi bano yabadde egezaako okwewala akajagalalo akalibadde katataaganya emirimu.