Omwogezi wa Uganda Police Force CP Fred Enanga agamba nti bakutte abayekera 8 ab’ekibiina kya Uganda Coalition Forces of Change – UCFC nga bano babadde benyigira mukukola obulumbaganyi ku Poliisi nebatta abasirikale ba Poliisi nebabatwalako emmundu.
Enanga agamba nti bano bekuusa ku kibiina ky’obuyekera ekiggya ekyateekeddwawo okusuula Gavumenti, ayongeddeko nti Makumbi Moshi aka Engineer yasobodde okubabuulira ani yabayingiza mubuyekera nti era bagenda kumunoonya. Bano bagiddwa mu lutobazi ku kyalo Kabuusi, Bukuya Town Council mu Disitulikiti y’e Kassanda gyebabadde bekukumye nebasobola okuzuula emmundu 2 kwezo 4 ezabbibwa.
Bano 8 bavunaaniddwa emisango okuli obutemu, obutujju, okubeera n’ebyokulwanyisa. Bano kuliko; Makumbi Moshi aka Engineer, Walugembe Stuart Sseguya aka Kufatteeka, Mulindwa Julius, Masembe John Nasif, Byamuremire Paul, Ssenyonga Bob Robert, Nabukenya Teopista ne Matovu Sylvester.
Leave a Reply
You must be logged in to post a comment.