Poliisi mu Kampala n’emiriraano ekyagenda mu maaso n’ebikwekweto okufuuza abamenyi b’amateeka abasuza abantu nga tebebase. Nga eyita mu kikwekweto kyayo ekya Dumisha Usalaama nga kikulemberwamu Omuduumizi wa Poliisi mu Kampala n’emiriraano Cp Moses Kafeero Kabugo egamba nti ekutte abavubuka abenyigira mu kunyaga side mirror z’emotoka, amataala, sport rim, okunaykula amasimu n’obusawo mu juamu, okutambuza ebiccupuli bya ssente n’okumenya amayumba.
Bakutte bakifeesi 120 bakwatiddwa ku Old Kampala, 59 ku CPS Kampala, 70 e Kabalagala, 79 e Katwe ne 42 e Wandegeya. Basangiddwa n’ebyuuma ebikozesebwa okumenya amayumba n’emotoka, master key, ensawo z’enjaga wamu n’ebintu ebibbe.
Leave a Reply
You must be logged in to post a comment.