Poliisi ekutte abantu 4 mu Greater Masaka lwakutaataaganya mirimu gya Gavumenti nga babba ebintu ebikozesebwa okutuusa amasanyalaze mu byalo. Bano kuliko; Byansi Vincent, Kayondo David, Natukunda Benon ne Kamugisha Edison nga bonna batuuze b’e Lyantonde.
Bano bakwatiddwa okuva mu Sub-County y’e Malongo mu Disitulikiti y’e Lwengo nga basangiddwa ne wire z’amasanyalaze nga babadde basisaze ku miti kwezabadde zakawanikibwa mu nkola ey’okubunyisa amasanyalaze eya Rural Electrification Program.
Bano babadde batambulira mu motoka ekika kya Toyota Wish nnamba UAZ 161Q, nga nzirugavu. Bano bakuumirwa ku Poliisi y’e Lwengo nga bwebalindirira okutwalibwa mu kkooti.
Leave a Reply
You must be logged in to post a comment.