Poliisi ekutte abagambibwa okubeera ababbi ba booda booda 6 e Wakiso

Pinterest LinkedIn Tumblr +
Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nti oluvannyuma lwobubbi bwa booda booda okweyongera mu Disitulikiti y’e Wakiso, Poliisi okuva e Nsangi yakoze ekikwekweto oluvannyuma lwokutemezebwako mweyakwatidde abantu 6 abateeberezebwa okubeera ababbi ba booda booda.
Abakwatiddwa mwemuli ne Muyingo Brian 26, nga mutuuze w’e Kinawa zone, Kasenge Ward, Kyengera Town Council ayasangiddwa ne Piki piki erowoozebwa okubeera enzibe nnamba UEY 444Y.
Poliisi bweyayazizza ennyumba mwabadde asula yasanzemu piki piki nnamba UFC 521M Bajaj, nnamba za piki piki bbiri okuli: UEY 649Y ne UED 711X wamu n’ebiwandiiko ebigambibwa okubeera ebijingirire.
 
Share.

Leave A Reply