Poliisi ekutte abadde yeyita owa UPDF

Uganda Police Force e Wandegeya ekutte Kyambadde Kasirye Haruna lwakusangibwa n’ebintu by’amaggye. Ono yakwatiddwa ku abasirikale ba Poliisi ku bitaala e Wandegeya ababadde bateekesa ebiragiro bya Pulezidenti Yoweri Kaguta Museveni eby’okulwanyisa ekirwadde kya #COVID-19.D/CPL Amanya Bruce agamba ku bitaala by’e Wandegeya yayimirizza emotoka ekika kya Toyota Wish nnamba UBE 038V nga ayagala okumanya oba emotoka eno yabadde ne sitiika egikiriza okutambula.Mukukebera emotoka basanzeemu Pistol enjingirire nga nzirugavu wamu ne sitiika ya The Peoples Government – PG. Kyambadde nga mutuuze w’e Lugala Masanafu mu Rubaga agamba nti yabadde agenda ku National Task Force kuwaayo bintu.Poliisi egamba nti ono yasangiddwa ne ID y’eggye lya Uganda Peoples’ Defence Forces – UPDF wamu nakakebe ka tear gas.Abasirikale bagenze naye ewuwe okwongera okunoonyereza nebasangayo ekyambalo ekyefaananyiriza ekya UPDF wamu n’ebintu ebikozesebwa okumenya byebazuuliddwa mu maka ge. Ono akuumirwa ku Poliisi y’e Wandegeya nga bwalindirira okutwalibwa mu kkooti avunaanibwe okwokusangibwa n’ebintu by’amaggye wamu n’ebintu ebimenya amayumba.