Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga Poliisi ya Old Kampala bweyakutte Sulaiman Nkanda nga kigambibwa nti yabadde agezaako okubba piki piki nnamba UFL 990Q. Bino byabaddewo nga 19-April-2022, ku ssaawa mukaaga ogw’ekiro mu Zzooni ya Namuŋŋoona.
Kigambibwa nti Mkada yabadde ku piki piki eyabadde evugibwa omuntu omulala eyategeerekese nga Aine, nayimiriza piki piki endala nnamba UFL 990Q, naggyayo kkaadi ya Poliisi enjingirire nga era nti ye D/AIP Byaruhanga Sulaiman okulaga owa booda booda nti yabadde musirikale olwa natandika okumukazaakaza lwaki yabadde avuga sipiidi.
Mukutya okungi omuvuzi wa booda booda eyategeerekese nga Bukenya Abdul yakiriza Sulaiman okuggyamu ekisumuluzo, wabula mu kadde ako Abasirikale ba Poliisi ababadde balawuna nga bakulembeddwamu OC Namuŋŋoona batuuse, Mkanda bweyabalabye nasuula kkaadi n’ebisumuluzo nadduka. Abasirikale bamugobye nebamukwata oluvannyuma lwokusiitaana naye nga kati akuumirwa ku Poliisi ya Old Kampala. Ono yaguddwako omusango gw’obubbi wamu n’okweyita kyatali.