Poliisi ekutte ababadde batikka embaawo ku loole ya UPDF

Omwogezi wa Uganda Police Force SCP Fred Enanga avuddeyo nategeeza nga Poliisi y’ettundutundu lya Ssezibwa ne CPS y’e Lugazi bwebakutte abantu 4 nga bano bagenda kutwalibwa mu Kkooti oluvannyuma lwokubasanga n’embaawo. Kigambibwa nti nga 31-07-2023, Poliisi yakwata; WO Ntumwisho Temteo, 51 ngono ddereeva wa Military omutuuze mu nkambi y’amaggye e Mbuya, Serunja Jordan, 23 nga mutuuze w’e Kitenga Lugazi, Serwada Steven, 20 omutuuze w’e Kayanja Mukono ne Kyomugisha Robina, 38 omutuuze mu Kinyoro zone mu Lugazi Municipality, nga bano basangibwa batikka embaawo ku loole ya UPDF nnamba H4DF 334 mu Kibira kya Mabira.