Poliisi ekutte 146 mu Kampala

Poliisi ekoze ekikwekweto mwekwatidde abavubuka abasoba 146 nga bano balowoozebwa okwenyigira mu bumenyi bw’amateeka mu bitundu bya Kampala. Bano bakwatiddwa ku misango egyekuusa ku bubbi, okukuba ebiccupuli wamu okukozesa ebiragalalagala, okukuba abantu obutayimbwa, okusala ensawo mu jam, okumenya emotoka saako okuzibbako obutaala. Ekikwekweto kino kyakoleddwa mu bitundu by’e Makindye, Ndeeba, Kinyoro, Kisenyi, Katwe, Kiseeka, Kikoni, Kasubi, Kawala n’e Nakulabye.

Ku bano 38 bateereddwa oluvannyuma lwokubekenneenya nga bali wamu n’abakulembeze. Ebikwekweto bino byakakolwa mu bitundu ebimanyiddwa okubeeramu nnyo abamenyi b’amateeka omuli Market Street, Platinum House, Allen Road, Nakivubo Channel, Kinyamwandu, Nabugabo.

0 replies

Leave a Reply

Want to join the discussion?
Feel free to contribute!

Leave a Reply