Poliisi egenda kukwata emotoka ekika kya drone ezikola takisi nga tezirina bikuubo

Omwogezi w’ekitongole kya Uganda Police Force ekivunaanyizibwa ku bidduka Faridah Nampiima avuddeyo nalabula abo bonna abavuga takisi ekika kya drone ezitalina layisinsi PSV wamu n’ebikuubo ku luguudo lw’e Ntebe wamu nolw’e Jinja okukikomya obunnambiro. Ono ategeezezza nti baweereddwa enaku 2 zokka okutuusa nga 16-November-2022 kuba bagenda kukola ekikwekweto batwalibwe mu Kkooti. Ono agamba nti tebagenda kukubwa bipapula byangasi wabula okutwalibwa mu Kkooti.

Uganda Police Force evuddeyo nekubiriza abavuzi ba booda booda bonna okugondera ennyo amateeka g’okunguudo wamu n’okubeera abaguminkiriza wamu n’okwombala helment. Omwogezi w’Ekitongole kya Uganda Police Force ekivunaanyizibwa ku bidduka Faridah Nampiima avuddeyo nayanukula Loodi Meeya Erias Lukwago ku byeyagambye nti agenda kutwala Poliisi mu Kkooti olwokukwata aba booda booda.