Poliisi eboye ebyambalo bya NUP e Jinja
Uganda Police Force e Jinja ezinzeeko offiisi za National Unity Platform – NUP ezisangibwa ku Main Street okuliraana Igar Hotel newamba enkofiira emyuufu, ebiwandiiko by’ekibiina wamu n’ebifaananyi byabesimbyeewo.
Ekikwekweto kibadde kiduumirwa DPC wa Jinja Hasunira Mohammed ne OC Operations Natumo abakutte Saulo Nsongambi akola mu offiisi eno wamu neba Coordinators 2 abasangiddwa mu offiisi.
Okusinziira ku mwogezi wa Poliisi mu bitundu by’e Kiira Hajji Abbey Ngako agamba nti kino kikoleddwa okubowa ebyambalo byonna ebyefaananyiriza eby’amaggye era nasaba n’abantu bonna ababirina okubiwaayo mu bwangu ddala nga tebanakwatibwa.
