Omukulembeze wa National Unity Platform – NUP Hon. Kyagulanyi Ssentamu Robert aka Bobi Wine avuddeyo; “Uganda Police Force e Yumbe ekyalemebedde ebintu bya NUP byeyawamba nga 14-August-2023 okuva mu bakunzi b’ekibiina bwebaali bakola emirimu gyabwe mu Disitulikiti.
Bino mulimu kkaadi z’ekibiina, register ya bammemba, Reflector jackets zabavuzi ba piki piki ne T-shirts. Wadde nga tewali tteeka mwebabiremera, abakulu ku Poliisi bagamba nti tebajja kubibawa.
Zino zezimu ku nteekateeka Gavumenti zeyitamu okulemesa ekibiina okukunga bammemba n’obuwagizi mu Ggwanga, wabula bbo abawagira Gavumenti omuli nabakyali mu maggye bategeka enkuŋŋaana.
Temwewuunya nga bino babyambazizza abamenyi b’amateeka okugamba nti babasanze bamenya amateeka oba basaze okuva mu NUP okudda mu National Resistance Movement – NRM.”