Omwogezi wa Uganda Police Force ow’ettundutundu lya Wamala Kawala Rachael avuddeyo nategeeza nga Poliisi e Kassanda bwekutte loole 7 ezibadde zetisse emiti mu Gombolola y’e Kikandwa nga kigambibwa nti zibadde zoolekera Kampala ekimenya ekiragiro ekyateereddwawo Pulezidenti Yoweri Kaguta Museveni.
Loole zino zisimbiddwa ku Kassanda CPS nga okunoonyereza bwekugenda mu maaso. Ono ategeezezza nga Poliisi bweyongedde okukola ebikwekweto mu Disitulikiti y’e Kassanda wamu ne Mubende okuteekesa ebiragiro byokulwanyisa ekirwadde kya Ebola mu nkola. Loole ezikwatiddwa kuliko; UAE 481B, KCK trailer 251V trailer, UBH 680N TATA 10, UBL 774J TATA, UBM 624B TATA, UBH350V fuso.