Police eyodde 3 nga ebalanga kubba mwana wa myaka 2 – Kawempe

Police e Kawempe egombyemu obwala abantu basatu bateeberezebwa okubba omwana wa myaka ebiri.

Omwogezi wa Police mu Kampala Patrick Onyango nga ayogerako ne bannamawulire agamba nti nga ennaku z’omwezi 03 ogw’omusanvu  Naluse Eseza omutuuze mu  Maggganjo B yalekera omukozi omwana we ye n’agenda okukola wabula ate mulirwana we Apio Isaiah n’asaba omwana nti amunaazeeko bwatyo n’agenda naye mu kabuga akaliraanyeewo .

Onyango annyonyodde nti ba nnyini mwana kyababuukako Apio bweyadda nga talina mwana era ensonga nebazitwala mu b’obuyinza okunoonyereza nekutandikirawo .

Bw’etyo Police n’egombamu obwala Apio eyeegaanye amayitire g’omwana wabula oluvannyuma n’abatwala gyeyateeka omwana .