Pasita akwatiddwa lubona mu bikolwa eby’obwenzi misana ttuku mu kkanisa nga yeerigomba n’omukazi – endiga ye gy’asumba.
Ekijjankunene kino kibadde ku kyalo Lutete ekisangibwa mu Ggoobolola y’e Nawanyago mu Disitulikiti y’e Kamuli, Pasita ategeerekese nga Kasoolo Richard ow’emyaka 40 bw’akwatiddwa lubona n’endiga ye nga banyumya akaakyagera misana ttuku mu biseera bya Lunch Hour.
Omu ku bagoberezi y’alabye pasita ono era n’akuba enduulu okubaguliza ku balala wabula pasita oluwulidde enduulu n’assaako kakokola tondeka nnyuma era bwatyo n’amalamu omusulo.