Palamenti eyimirizza emisolo gya KCCA ku bipande by’abeesimbyewo.

Palamenti akawungeezi akayise eyimirizza emisolo ku bipande by’abeesimbyewo egyaleetebwa nankulu w’ekibuga Kampala ng’abeesimbyewo balina okusasulira ebipande byabwe mu Kampala.

Ekiteeso kyayanjuddwa omubaka John Ssimbwa olwo nekiwagirwa omubaka Nzoghu akiikirira Busongola, emisolo gino gyawakanyiziddwa ababaka omwabadde Kasibante Moses, Latif Ssebaggala, omubaka wa Bugweri Abdu Katuntu eyagambye nti Jennifer Musisi talina buyinza ku misolo.

Ate omubaka Kassiano Wadri yakolokose Ssaabawolereza wa Gavumenti Fred Ruhindi olwokwanguyiriza okusunsula e ssente zino.