Amatendekero tegakyazannya, Mityana Institute of Nursing and Midwifery emenye likodi yagobye omuyizi lwakutoloka namenya empango 4 ez’ebikajjo nalagirwa okudda ku ssomero n’omuzadde wamu n’obukadde 2 nga engasi.

Hon. Aidah Nantaba Erios, Omubeezi wa Minisita owa ICT era nga ye Mubaka omukyala owa Disitulikiti y’e Kayunga olunaku lw’eggulo yategese okusaba okwebaza Mukama okumutaasa abatemu. Okusaba kuno kwabadde ku Kkanisa ya Seventh Day Adventist e Bukolooto mu Kayunga Town Council nga kwakulembeddwamu Omusumba Dr. Moses Makka okuva mu Bugema University. Omusumba Dr Moses Makka, Hon. Aidah Nantaba yamugerageranyiza ku kavubuka ka Daudi akasobola okumegga esajja eryaali eramaanyi enyo li Golius.
Yagambye nti abantu bangi Katonda bakolera ebinene kyokka nebatafaayo ku mwebaza. Ye Hon. Nantaba yanenyezza Poliisi olw’okutta Ssebulime nga ate singa bamukwata yali agyakwatuukiriza abantu abaali mu lukwe olwo.
Yagambye nti tewali muntu mulala yenna gwakiteekako okujjako Poliisi yennyini nebanywaanyi baayo.

Bad Black kyaddaaki alaze Muganzi we nakudaalira abatanafuna nti muva ddi ku luggya.

Fußball-Club Bayern München giyite FC Bayern München bebanantameggwa ba Liigi ya Germany eya Bundesliga

Olunaku lw’eggulo Pulezidenti Yoweri Kaguta Museveni yamalirizza okulambula ebitundu by’e Lango gyeyatongolezza enguudo empya mu ttawuni y’e Lira, n’oluvannyuma n’akuba olukungaana mu ggombolola y’e Agali gyeyasisinkanidde Bammeba ba Lira Diocese Mothers Union.

Pulezidenti Museveni yavuddeyo neyebaza abantu b’omu muluka gw’e Kyatiri, mu ssaza ly’e Buruuli mu Disitulikiti y’e Masindi olw’okuvaayo nebakiriza okumwegattako okulwanyisa obwavu mu maka gaabwe.

Pulezidenti wa Malawi Arthur Peter Mutharika 78, yagobye olukiiko lwe olwa Baminisita nga beteekerateekera akalulu k’obwa Pulezidenti akagenda okubaawo ku lw’okuna lwa wiiki ejja.

Mu kiwandiiko ekyafulumiziddwa kyategeezezza nti omukulembeze w’eggwanga asazeewo okwezza obuyinza bwonna nti era nga kati buvunaanyizibwa bwe okuddukanya emirimu gyonna nga akulembera eggwanga.

Pulezidenti Mutharika Munnakibiina kya Democratic Progressive Party (DPP) wakuddamu okwesimbawo ku kisanja ekirala nga avuganya n’omumyuka we Saulos Chilima, n’abalala babiri okuli Lazarus Chakwera ne Atupele Muluzi.

Babiri ku bano abasimbyewo Baminisita be ku kabineti ye.

Ssaabaminisita wa Yuganda Dr. Ruhakana Rugunda avuddeyo nawabula Poliisi erekerawo okweterawo ebiragiro byayo nga eteekesa mu nkola etteeka erifuga okukuba enkungaana Public Order Management Act (POMA).

Bino yabyogedde asisinkana Bannamawulire oluvannyuma lwakafuba n’ebibiina by’obufuzi ebyegattira mu mukago gwa Inter Party Organisation (IPOD) ku Offiisi ye.

Ssaabiminisita yagambye nti buvunaanyizibwa bw’ebitongole ebikuuma ddembe naddala Poliisi okulaba nti eteekawo embeera ennungamu ey’eddembe. Nti era tewetaaga kubeerawo kusika muguwa n’abannansi abaagala okutuula wansi nebawuliriza abakulembeze baabwe kyebabagamba awatali abakuba ku mukono.

Radio Simba n’omutima gwayo omugabi etandise okuddiza abawuliriza baayo Abayisiraamu abali mu kisiibo n’ettu omuli eby’okunywa, engano, sukaali, biscuit, butto n’ebirala bingi.