Entambula y’ebidduka ku lunaku lw’abajulizi. Poliisi egamba nti okusobola okutereeza eby’entambula etaddewo ebifo emotoka wezirina okukoma nga tezituuse Namugongo. Tewali motoka y’abantu babulijjo, takisi oba Piki piki era tewali bifo bisimbibwamu motoka biteereddwawo ku kigo ky’abakatoliki oba aba Poletesitanti nga by’abantu babulijjo.

Valentine Esegragbo Melvine Strasser Munnamaggye eyaliko omukulembeze w’eggwanga lya Sierra Leone okuva mu 1992 okutuuka mu 1996. Ono ye mukulembeze akyasinze obuto mu nsi yonna nga yafuuka Pulezidenti nga wayise enaku 3 zokka ng’awezezza emyaka 25 nga yamamula Joseph Momo ku bwa Pulezidenti.
Ono y’omu kubaaliko ba Pulezidenti abasinga obwavu mu Africa.
Ono bweyagibwa ku bukulembeze yagenda e Bungereza nasoma amateeka bwatyo naddayo mu Sierra Leone.

Ssaabasajja Kabaka Ronald Muwenda Mutebi II aguddewo emipiira gy’amasaza mu kisaawe ky’e Ssingo nga Ssingo eguddewo n’e Ssese. Ssingo 3-0 Ssese.

Kitalo!
Eyaliko emunyeenye ya Arsenal Munnansi wa Spain José Antonio Reyes Calderón 35, afiiridde mu kabenje.

Omubaka wa Kyaddondo East Robert Kyagulanyi Ssentamu aka Bobi Wine yaweereza obubaka eri eyali Nnankulu wa Kampala Capital City Authority – KCCA oluvannyuma lwa Pulezidenti Museveni okugamba nti yamuwa ssente nnyingi naye Kampala yamulema okulongoosa; “Bwenayimba oluyimba lwa “Tugambire ku Jennifer” nali ngezaako kumuwa magezi nti akolere abantu so ssi Mukulembeze wa Ggwanga. Namuwabula nti enkulaakulana nnungi era tugyetaaga, wabula nga tulina kugikolera wamu n’abantu era nga eganyula bantu! Kampala Capital City Authority – KCCA bweyakola nga ebikolobero wamu n’okulinyirira eddembe ly’abantu, nga babawaana nga bwebakola ennyo. Naye olunaku olwaleero baboogerako bintu birala nnyo.
Bwokolerera abantu, olekawo omukululo ebbanga lyonna, wabula bwokolerera omuntu omu, asobola okukyayisa abantu ate n’oluvannyuma nakusuula ate nakunenya olw’ebyo ebitagenda bulungi. Tulabye Kitatta, Kayihura kati Jennifer S. Musisi n’abalala bangi nnyo! Mwe abali mu bifo eby’amaanyi leero, nsuubira mufunamu eky’okuyiga. Mpulira ennaku nga ndaba Bannayuganda bangi bakyaggwa mu katego? Oba nze mbiraba obubi?”

Abantu ab’enjawulo ku Ssetendekero e Makerere University bavuddeyo nebakungubagira omugenzi Prof. Apolo Robin Nsibambi.
Prof Mondo Kagonyera yategeezezza nti babadde bamukwano ne Nsibambi okumala emyaka 48, ye Prof. Mamdani yagambye nti aviiriddwako omuntu bwebadde bavuganya mu buyigirize. Ye Dr. Sabiiti Makara yagambye nti Nsibambi yali musaale nnyo mukubafunira sikaala mu Bungereza. Ate ye akulira University Council Rona Magara yagambye nti Prof. Nsibambi yaweereza n’omutima guma n’okulaba nti Makerere atuuka waali. Ate ye Prof. Nawangwe yagambye nti ono yeyamutendeka okubeera omuntu alemera kunsonga.

AIGP Asan Kasingye; “Oyo yenna asaasanya ebifaananyi by’omuntu eby’obwereere bwe abeera tategeera era nga yasinga okutandikawo obutabanguko bw’omumaka naddala ku bakyala n’abawala. Ggwe wenna akikola oswadde nnyo.”

CEO wa MTN Uganda Wim Vanhellputte avuddeyo n’ategeeza nti musanyufu nnyo oluvannyuma lw’okusonyiyibwa nakomawo mu Kampala. Oyo yali yafuumulwa mu Ggwanga nazzibwa okwaboobwe ku bigambibwa nti yali atadde eby’okwerinda by’Eggwanga mu matigga.
Yasiimue nnyo Pulezidenti Yoweri Kaguta Museveni olw’okusazaamu okufumulwakwe mu Ggwanga namukiriza akomewo mu Yuganda.