Minisita w’Ebyobulamu Dr. Jane Ruth Aceng; “Engambo ezibungesebwa nti tusasaanya abalwadde okwetoloola eggwanga lyonna okulaga nti bangi tezirina mitwe n’amagulu. Tuteekateeka eggwanga lyonna okwetegeka, kuba Yuganda erina okwetegekera kyonna ekiddako.” #MOHCOVIDAccountabilityAllegations

Ministry of Health- Uganda evuddeyo netegeeza nga abantu abalala 7 bwebazuuliddwa n’obulwadde bwa #COVID-19 mu Yuganda. Abakazuulibwa n’obulwadde buno mu Yuganda baweze #COVID19UG bali 770.
2 ku bano ba Ddereeva baloole okuva Elegu ne Malaba, 5 ku bano basisinkanako abalwadde nga 3 ku bano b’e Kyotera, 2 b’e Amuru.
Samples ezakebereddwa zaabadde 2935. Ba Ddereeva ba Loole 12 abatali Bannansi baziddwa mu nsi zaabwe oluvannyuma lw’okuzuulibwa n’obulwadde buno. Abakawona kati baweze 578.

Pulezidenti Yoweri Kaguta Museveni yataddeko omukono ku bbago lya Administration of the Judiciary Bill 2020 nerifuuka etteeka nga mu buwayiro obulimu mwemuli aka Ssaabalamuzi awummula okusigala nga afuna omusaala gwegumu nga Ssaabalamuzi abeera amudidde mubigere.
Ku musaala guno kwojja okugatta akasiimo ka bitundu 2.4 ku kikumi okubiseemu omusaala ggwe og’omwaka omulamba okubiseemu emirundi etaano n’emyaka gyamaze nga aweereza.
Ssaabalamuzi Bart Katureebe abadde afuna obukadde abiri mu emitwalo nkaaga buli mwezi wawumulidde, so nga ye omumyuuka we Alfonse Owiny Dollo afuna obukadde kumi namwenda n’ekitundu buli mwezi.
Mu tteeka lyerimu Abalamuzi ba Kkooti ensukkulumu, Kkooti ejjulirwamu, aba kkooti enkulu ne Principal Judge bbo bakusigala nga bafuna ebitundu 80 eby’omusaala gwabwe singa baweza emyaka kwebalina okuwummulira, kasiimo ka bitundu 2.4 ku kikumi okubiseemu omusaala ggwe og’omwaka omulamba okubiseemu emirundi etaano n’emyaka gyamaze nga aweereza, obukuumi okuva mu Gavumenti, emotoka ne ba Ddereeva, obujanjabi bwa mwaka wamu n’ebisale by’ennyumba.
Ba Registrar n’abalamuzi bbo tebalina kufuna bukuumi, motoka, ebisale by’eddwaliro, ne z’ennyumba wadde nga bakusigala nga bafuna omusaala obulamu bwabwe bwonna.

Oluguudo lwa Kabuusu-Bunamwaya-Lweza batandise ku mutendera gw’okuyiwa amayinja. Oluguudo luno luwezaako kiromita 8 lwakubeera n’amasangazira e Lweza ne Kabuusu, amataala ga solar, n’abebigere webayita.

Kampala Capital City Authority – KCCA

Makerere University nga eri wamu ne Kiira Motors Corporation bafulumizza medical ventilators 3 zebatuumye Bulamu okuyamba ku balwadde abali mu Intensive Care Units (ICU) okussa. #SimbaUpdates #BulamuVentilators
📸 Kiira Motors

Ssaabalamuzi wa Yuganda Justice Bart Katureebe avuddeyo olunaku olwaleero nalangirira nga bwawumudde emirimu nga Ssaabalamuzi wa Yuganda. Katureebe yebazizza bonna abamubeereddewo mu buweereza bwe.

#SimbaSportsUpdates;
Josep Pep Guardiola omutendesi wa Manchester City avuddeyo nategeeza nga Leroy Sané bwagaanye endagaano empya nti era wakwabulira ttiimu eno.
Guardiola ategeezezza nti, ttiimu ya FC Bayern München bweyesowoddeyo nesonga ku Sane ng’omusambi gwebetaaga sizoni ejja.

Ekitongole ekivunaanyizibwa ku mutindo gw’ebintu mu Ggwanga ekya Uganda National Bureau of Standards – UNBS kivuddeyo nekisaanyawo ebintu ebiwereza ddala metric tonnes 232 ebitatuukana namutindo nga bibalirirwamu obuwumbi bubiri n’ekitundu.
Ebintu ebisaanyiziddwawo mulimu; emmere, amabaati, ebizigo, sseminti, emifaliso, toilet paper, obuveera, ebyamasanyalaze, omwenge n’ebirala.
Bino byonna byakwatibwa mu bikwekweto ebyakolebwa okwetoloola eggwanga lyonna mu mwaka gw’ebyensimbi 2019/2020.

Shanitah Namuyimbwa Chanitah Ptt aka Bad Black asisinkanye Barugahara Balaam Ateenyi n’amusuubuzi okukola ku nsonga ze eza Ssente zagamba nti abanja Ministry of Health- Uganda olwokukola akalango nga akubiriza Abaana abawala okwewala abavuzi ba loole.