Omubaka Munnakibiina kya National Unity Party – NUP Hon. Ssegiriinya Muhammad aka Mr Updates; “Sifunaanga bujanjabi bwonna, obulamu bwange buli lukya bweyongera okuba obubi n’amatu gange gavulula. Ntiddemu nti bwesifuna bujanjabi mu bwangu, nyinza okufiira mu kkomera, Bannayuganda nebatafuna mukisa kuwulira ludda lwange. Nsaba nfune obujanjabi.”

Omwogezi wa Uganda Police Force CP Fred Enanga; “Teriiyo muntu yenna akwatibwa olw’ekibiina oba eddiini gyasoma. Abo abakwatibwa babeera benyigidde mu bumenyi bw’amateeka.”

Omwogezi wa Uganda Police Force CP Fred Enanga; “Ebbaala n’ebifo ebisanyukirwa ebikola okuuyingira mu ssaawa za curfew zaaletedde ababuumira Poliisi mu bitundu eby’enjawulo okukubaganya ebirowoozo ku kirina okukolebwa okukola ebikwekweto. Byonna ebinasangibwa mu bifo bino ebikola bigenda kuboyebwa.”

Omwogezi wa Uganda Police Force CP Fred Enanga avuddeyo nategeeza nti abantu 35 abalumizibwa mu bbomu ezatulisibwa ku CPS ne Parliamentary Avenue mu Kampala basiibuddwa okuva mu Ddwaliro e Mulago nga bbo abasirikale ba Poliisi 2 bakyaliyo nga bakyafuna obujanjabi.

Omwogezi wa Uganda Police Force CP Fred Enanga avuddeyo nategeeza nga bwebakutte abantu 2 abasangiddwa nebikozesebwa mukutegulula bbomu ebeera eyugiddwa ku bbyo. Bino byasangiddwa mu motoka nnamba UBC 158C nga yabadde evugibwa Abdu Karim ow’emyaka 25.

Lt. Gen. Henry Tumukunde ne Isma Olaxess aka Jajja Iculi1 tebalabiseeko ku kitebe ekivunaanyizibwa ku kunoonyereza kubuzzi bw’emisango ekya CID ku misango gyokulumya omuntu wamu n’okukuma mu bantu omuliro. CID egamba nti yakukozesa amateeka okulaba nti ebafuna.