Kitalo!

Abantu abawerako bandiba nga bafiiridde mu muliro n’abalala nebalumizibwa mu kabenje akagudde ku mayiro 6 ku luguudo lwa Mbale – Tororo ttuleela y’amafuta bwetumedde owa booda booda n’oluvannyuma neyefuula.

Oluguudo lugaddwa nga ekitongole kya Poliisi ekizikiriza omuliro bwekikola ogwakyo.

Kitalo!

Kigambibwa nti Abantu 3 bandiba nga bafudde oluvannyuma lwa tuleela y’amafuta okukwata omuliro neyabika ku mayiro 6 ku luguudo lwa Mbale-Tororo road.

Ababaddewo bagamba nit ttuleela eremeredde Ddereeva netomera owa Booda booda negwa neyefuula.

Ekitongole ekivunaanyizibwa ku kibuga Kampala ekya Kampala Capital City Authority – KCCA olunaku olwaleero kikedde kumenya bizimbe byekigamba nti byazimbibwa mu bukyamu okwetoloola ppaaka ya Takisi empya nga kigambibwa nti bino byazimbibwa ku payipu za kazambi.

Bannanyini bizimbe bino kigambibwa nti bazze bajukizibwa buli entakera okubimenya nga buteerere.

Kigambibwa nti tewali bintu by’abasuubuzi byonooneddwa kuba baweereddwa omukisa okubiggyamu.

Abayizi abasoba mu 500 batikkiddwa Diploma ne Certificate mu masomo ag’enjawulo ku Ttendekero ly’Obwabaka erya Buganda Royal Institute of Business and Technical Education e Kakeeka Mengo.

Gano amatikkira ga mulundi gwa 16 era gakulembeddwamu Kamalabyonna Katikkiro Charles Peter Mayiga.

Akulembeddemu ne baminisita ba Kabaka n’abakungu abalala okuva mu gavumenti ya wakati.

Omuwandiisi Kakweza asimbiddwa mu Kkooti ngayita ku nkola ya zoom. Ono aleese Ssaabawandiisi wa National Unity Platform David Lewis Rubongoya ngomu ku bamweyimirira kuba babeera ku kyalo kimu.

Munnamateeka we Eron Kiiza ategeezezza Omulamuzi Douglas Singiza nti Kakweza yatulugunyizibwa nga era agenda awona okusinziira ku alipoota y’ekkomera.

Ono ayongeddeko nti omuntu we alina eddembe okufuna obujanjabi okuva mu Ddwaliro lyayagala.

Resident State Attorney Joan Keko ategeezezza Kkooti nga bwebakyakola okunoonyereza nti singa Kakweza ayimbulwa yanditaataganya okunoonyereza kuba akyasobola okukozesa twitter ye.

Keko agamba nti wadde alipoota eraga nti Kakweza alina enkovu eziwona mu mugongo naye teraga yabifuna atya. Bongeddeko nti bwaba wakuyimbulwa ku kakalu ka Kkooti kabeera ka ssente zabuliwo, aweeyo ppaasippooti ye era agaanibwe nokwogera ku musango okutuusa nga guwedde.

Omulamuzi amugaanye okweyimirirwa okutuusa ku lwokubiri wiiki ejja.

Omulamuzi wa Kkooti y’Eddaala ekisooka Stellah Okwanga alagidde Munnamateeka Male Mabiriizi awaaye obujulizi bwonna bwalina eri omuwaabi wa Gavumenti kuba DPP yeddizza omusango guno gwavunaana Bugingo ne Susan Makula.

Bugingo ne Makula begaanye omusango ogubavunaanibwa era nebasaba okuweebwa ku kakalu ka Kkooti omulamuzi kyakirizza nabayimbula ku kakalu ka Kkooti ka bukadde 3 buli omu.

Byonna nga bweitambudde mu Kkooti bifune wano; https://youtu.be/u8JKEn44RtE